Вечарам у аўторак паміж барысаўскім БАТЭ і маскоўскім “Спартаком” падпісана міжклубная дамова аб пераходзе абаронцы Ягора Філіпенкі ў склад васьміразовых чэмпіёнаў Беларусі. Мінулы год футбаліст знаходзіўся ў арэндзе ў барысаўскім клубе.

Людзі вельмі сталага веку часта становяцца даверлівымі як дзеці. Так, учора, 21 лютага, 84-гадовая жыхарка Барысава а 13-30 упусціла да сябе дахаты невядомую ёй жанчыну, якая прадставілася ўчастковай лекаркай.

Неспрыяльныя пагодныя ўмовы ў другой палове лютага значна ўскладняюць дарожны рух, таму на дарогах трэба быць крайне пільнымі. Лепей лішні раз перасцерагчыся, чым трапіць у безвыходную сітуацыю, у якой апынулася кіроўца-жанчына на вуліцы Дарожнай у Барысаве.

У панядзелак, 20 лютага, у міліцыю звярнуліся дзве барысаўскія пенсіянеркі з падобнай праблемай. Невядомыя злодзеі праніклі праз акно ў дамы, якія ім належаць, і вынеслі адтуль каштоўныя рэчы. У абодвух выпадках злодзеі пакуль што не выяўленыя.

Пра гэта паведаміў журналістам першы намеснік старшыні Мінаблвыканкама Аляксандр Замжыцкі. Для правядзення пасяўной кампаніі ў аптымальныя аграпрамысловыя тэрміны ў вобласці не хапае 1,5 тыс. механізатараў. Да палявых работ будуць прыцягнутыя працаўнікі прамысловых прадпрыемстваў.

Выдатны рэжысёр Коласаўскага тэатра і “Вольнай сцэны”, якому давялося і “На дне” Горкага паставіць у турэмнай камеры Акрэсціна пасля затрымання на акцыі пратэсту ў 2006 годзе, заўтра святкуе 65-годдзе. Валерый Мазынскі, дарэчы, мае прамое дачынне да Барысаўшчыны, ён нарадзіўся ў барысаўскай вёсцы Вялікае Стахава.

У пятніцу, 17 лютага, барысаўскі раённы філіял лукашэнкаўскай грамадскай арганізацыі “Белая Русь” абмеркаваў вынікі сваёй дзейнасці за 2011 год і набудаваў планаў на 2012. РГА “Белая Русь” з’яўляецца “без пяці хвілінаў” партыяй, пабудаванай на ўзор былой КПСС. Кіруюць ёй чыноўнікі, штатныя ідэолагі і набліжаныя да іх асобы.

Наш фотакарэспандэнт зафіксаваў момант вяртання армейскага ўзвода адной з вайсковых частак 72 Аб’яднанага вучэбнага цэнтра, што дыслакуецца ў Пячах, з палявых вучэнняў на палігоне ў свае казармы.

У крамах ААТ “Меркурый-Барысаў”, што знаходзяцца на вуліцы 50 год БССР, 29-а, а таксама на вуліцы Дзяржынскага, 89, ад сённяшней суботы да 23 лютага ў рамках акцыі “Чырвоны тыдзень ноўтбукаў” прадастаўляецца зніжка 7%.